شنو هي هاد الكرانولا؟ إلى كنتي كتقلب على فطور صحي، سريع، الكرانولا ديال تيكي ن سوس هي الحل. هي عبارة عن خليط متول ديال الشوفان المحمر (l'avoine)، مخلط مع حبوب ومكسرات مختارة بعناية، ومحضرة بطريقة يدوية باش تحافظ على القرمشة والبنة.

علاش الكرانولا ديالنا بالذات؟ :

1. طاقة كدوم مدة طويلة: الأساس ديال الكرانولا هو الشوفان، وهو نوع من "الكربوهيدرات المعقدة" اللي كيعطي للجسم طاقة كبقى تطلق بشوية بشوية، يعني ما غاتجيكش السخفة وسط النهار ولا وسط لونطرينمو.

2. صديقة الهضم والريجيم: عامرة ألياف (Fibres) اللي كتهني الجهاز الهضمي، وكتخليك تحس بالشبع لمدة طويلة، وهادشي كيعاون بزاف الناس اللي باغين ينقصو الوزن أو يحافظو على لاطاي ديالهم بلا ما يحسو بالجوع.

3. تحضير بيتي نقي: كيفما مكتوب فالباكية، منتوجاتنا "محضرة يدوياً". يعني ما كاينش الإنتاج الصناعي الكبير اللي كيفقد المكونات الفايدة ديالها. كتاكل شي حاجة نقية بحال إلا مصايبها فدارك.

4. خالية من المواد الحافظة: طبيعية 100%، ما فيهاش مواد كيميائية ولا ملونات. داكشي اللي كتشوف بعينك هو اللي كتاكل.

كيفاش تستعملها؟ أحسن طريقة باش تستمتع بها هي تخلطها مع ياغورت طبيعي (مسوس) أو الحليب فالصباح، وتقدر تزيد عليها طريفات ديال الديسير (بحال البنان أو الفريز). وكاين اللي كيعجبو ياكلها "سناك" خفيف بوحدها وسط الخدمة باش يهرس الجوع بطريقة صحية.